اسلام آباد(پاکستان پوائنٹ نیوز04۔مئی2017ء) پی سی بی دے میڈیا ایڈوائزر سبحان احمد نے آکھیا اے کہ پاکستان سپر لیگ دے تیجے ایڈیشن دے 8میچ پاکستان وچ کھیڈے جان گے جہناں وچوں چار میچ لاہور جدکہ چار میچ کراچی سٹیڈیم وچ ہون گے۔ تفصیل دے مطابق قومی اسمبلی دی بین الصوبائی رابطا کمیٹی دے اجلاس وچ بریفنگ دیندے ہوئے پی سی بی دے میڈیا ایڈوائرز سبحان احمد نے آکھیا کہ پی ایس ایل دے پچھلے ایڈیشن دا فائنل پاک بھارت میچ توں وی بُہتا ویکھیا گیا۔
اوہناں دا کہنا سی کہ پاک بھارت میچ دی ریٹنگ 10پوائنٹ ہوند ی اے جدکہ پی ایس ایل فائنل دی ریٹنگ 20.9پوائنٹ سی جہدے توں پی ایس ایل دی مقبولیت دا انداز الایا جا سکدا اے۔ اوہناں نے کمیٹی نوں بریفنگ دیندے ہوئے آکھیا کہ پاکستان سپر لیگ دے تیجے ایڈیشن دے 8میچ پاکستان وچ کھیڈے جان گے جہناں وچوں چار میچ لاہور جدکہ چار میچ کراچی سٹیڈیم وچ ہون گے۔
