لاہور(پاکستان پوائنٹ نیوز29۔اپریل2017ء) انٹرنیشنل کرکٹ کونسل (آئی سی سی) دے نویں آئین مطابق بگ تھری دے خاتمے مگروں بھارت آئی سی سی چیمپئنز ٹرافی دے بائیکاٹ بارے غور کر رہیا اے تے وسیلیاں دے مطابق آئی سی سی دے رکن ملکاں نے بھارت دے چیمپئنزٹرافی وچ رلت نہ کرن دے حوالے نال ’پلان بی‘ تیار کر لیا اے۔ تفصیل دے مطا بق پہلی جون توں انگلینڈ وچ شروع ہون والی چیمپئنزٹرافی لئی 7کرکٹ بورڈز نے سکواڈ دا اعلان کر دتا پر بھارت نے اجے تک سکواڈ نوں حتمی شکل نہیں دتی، ماہرین کرکٹ دے مطابق بھارت چیمپئنز ٹرافی دا ممکنہ پلان بنا رہیا اے کیونکہ اوہ پہلے ای آکھ چکیا اے کہ جے بگ تھری نوں ختم کیتا گیا تے اوہنوں پورا حق اے کہ اوہ جو چاہوے کر سکدا اے۔
وسیلیاں دے مطابق چیمپئنز ٹرافی کھیڈن والے ملک بھارت توں بغیر ای ٹورنامنٹ کھیڈن لئی تیار نیں، جے واقعے بھارت نے چیمپئنز ٹرافی دا بائیکاٹ کر دتا تے متبادل دے طور اُتے ویسٹ انڈیز نوں ٹورنامنٹ وچ شامل کر لیا جائے گا۔
