نویں دِلی(پاکستان پوائنٹ نیوز12۔اپریل2017ء) سابق برطانوی کپتان کیون پیٹرسن سنگل ویزا جاری ہون مگروں بھارت وچ پھس گئے۔ تفصیل دے مطاق کیون پیٹرسن نے لگاتار کئی لیگز کھیڈن مگروں اپنی فیملی نوں ٹائم دین لئی آئی پی ایل وچ رلت توں انکار کر دتا پر اوہ ایونٹ دے پہلے ہفتے ہون والے میچاں وچ کمنٹری لئی بھارت آئے۔ ایس مقصد لئی اوہناں نے لندن وچ موجود بھارتی ہائی کمیشن نوں ملٹی پل ویزے لئی درخاست دتی پر اوہناں نے اوہنوں سنگل اینٹری ویزا دے دتا جہدے نال بھارت وچ آیا تے جا سکدا اے پر واپسی نہیں ہوندی۔
پیٹرسن کمنٹری مگروں واپس جان لئی تیار ہوئے تے ایس گل دا اوہناں نے سوشل میڈیا اُتے وی اعلان کیتا پر جدوں اوہناں نوں پتا لگا کہ اوہناں دے پاسپورٹ اُتے تے سنگل اینٹری ویزا لگا ہویا اے تے اوہ پریشان ہو گئے تے سوشل میڈیا اُتے مدد دی اپیل کر دتی۔ پیٹرسن نے سماجی رابطے دی ویب سائٹ ٹویٹر اُتے اپنے پیغام وچ آکھیا کہ میری مدد کرو۔ میں بھارت جان لئی ملٹی پل اینٹری ویزے دی درخاست دتی سی پر لندن وچ انڈین ہائی کمیشن نے مینوں اینٹری ویزا دے دتا اے۔ میں ایس ویزے اُتے واپس نہیں جا سکدا۔ مدد کرو۔
