جعلی ڈاکٹر نے ویرات کوہلی دے آسٹریلیا خلاف سیریز توں باہر ہون دا اعلان کر کے بھارتی لوکائی نوں پریشان کر دتا

رانچی(پاکستان پوائنٹ نیوز18۔مارچ2017ء) جعلی ڈاکٹر نے بھارتی کپتان ویرات کوہلی دے آسٹریلیا خلاف سیریز توں باہر ہون دا اعلان کر کے بھارتی لوکائی نوں پریشان کر دِتا۔ تفصیل دے مطابق رانچی دے مقامی ہسپتال وچ جعلی ڈاکٹر نے ڈرامہ کردے ہوئے پورے بھارت دے کرکٹ چاہیواناں نوں پریشان کر دِتا، ایم آر آئی مشین دا بٹن دبن والے ٹیکنیشن نے میڈیا نال گل بات کردے ہوئے آکھیا کہ کوہلی دیاں ہڈیاں اپنی تھاں اُتے نیں پر اوہناں داپٹھہ پھٹ گیا اے، اوہناں نوں ہتھ ہلان وچ اوکڑ ہو رہی اے اسیں اوہناں نوں 15توں 20دن آرام دا مشورا دِتا اے۔

ٹیکنیشن دے لہجے وچ اعتماد اجیہا سی کہ کسے نوں شک تک نہ ہویا کہ اوہ ڈاکٹر نہیں اے۔ ذکر کیتے گئے ٹیکنیشن نے 15منٹ لئی شہرت تے حاصل کر لئی پر غلط بیانی اُتے اوہدے نال کیتے گئے سلوک بارے پتا نہیں لگ سکیا۔