لاہور(پاکستان پوائنٹ نیوز11۔مارچ2017ء) قومی کرکٹ ٹیم دے ہیڈکوچ مکی آرتھر داکہنا اے کہ اوہناں دی پہلی ترجیح کھڈاریاں دی فنٹس اے، ڈومیسٹک کرکٹ وچ پرفارم کرن والے کھڈاریاںنوں ای ٹیم وچ شامل کیتا جائے گا۔ تفصیل دے مطابق قذافی سٹیڈیم لاہور وچ پریس کانفرنس کردے ہوئے مکی آرتھر داکہنا سی کہ ٹریننگ کیمپ وچ نوجوان کھڈاری شامل کیتے نیں جہناں دے فٹنس ٹیسٹ لِتے جا رہے نیں، اوہدے مگروں ویکھاں گے کہ کہڑے کھڈاری نوں کتھے کھڈانا اے، پاکستان وچ ٹیلنٹ دی کمی نہیں، ڈومیسٹک کرکٹ وچ پرفارم کر کے ای کھڈاری اُتانہ آ سکدے نیں۔
اوہناں داکہنا سی کہ اسیں جاندے آں کہ ایشیاءتوں باہر ساڈی باﺅلنگ توں بُہتی بیٹنگ نے کارکردگی وکھائی، پر باہر جا کے کھیڈنا اجے وی ساڈے لئی وڈا چیلنج اے۔ اوہناں نے آکھیا کہ کُجھ کھڈاریاں دی کارکردگی وچ بہتری آئی اے۔ ایہناں وچ بابر اعظم، عماد وسیم تے حسن علی شامل نیں، کھڈاریاں دا چناﺅ کرنا سلیکشن کمیٹی دا کم اے، میرا کم چُنے گئے کھڈاریاں نال کم کرنا اے۔ اوہناں دا کہنا سی کہ ایہ تاثر غلط اے کہ میں پاکستانی کلچر وچ ایڈجسٹ نہیں ہویا۔
