اسلام آباد(پاکستان پوائنٹ نیوز11۔مارچ2017ء) پاک فوج دے سربراہ جنرل قمر جاوید باجوہ نے پشاور زلمی دے نوجوان کھڈاری لیفٹ آرم سپنر محمد اصغر خان نوں ملاقات لئی سَد لیا۔ تفصیل دے مطابق مائیکرو بلاگنگ ویب سائٹ ٹوئٹر اُتے محمد اصغر خان نے اک پیغام شیئر کردے ہوئے آکھیا کہ سویرے چھیتی اُٹھ گیا واں، اج دوپہر اسلام آباد وچ آرمی چیف جنرل قمر جاوید باجوہ نال روٹی کھان جانا اے۔
یاد رہوے کہ 18ورھیاں دے محمد اصغر خان نے پشاور زلمی ولوں پی ایس ایل وچ شاندار کارکردگی دا وکھالا کیتا سی اوہناں نے 7میچاں وچ 8وکٹاں لئیاں، اصغر نے پی ایس ایل دے فائنل میچ وچ وی 16سکور کے کر تن وکٹاں لے کے اپنی ٹیم نوں جتوایا سی۔ کرکٹ پنڈتاں دا کہنا اے کہ آرمی چیف ولوں نوجوان کھڈاریاں نال ملاقات کرنا چنگی گل اے ایہدے نال ڈومیسٹک کرکٹ نوں فروغ ملے گا۔
