لاہور(پاکستان پوائنٹ نیوز04۔مارچ2017ء) مشہور آسٹرالوجر سامعہ خان دا کہنا اے کہ پی ایس ایل ٹو دے فائنل وچ دوویں ٹیماںوچکار چنگا مقابلا ہووے گا۔ سامعہ خان نے آکھیا کہ 2017پاکستان اندر بین الاقوامی کرکٹ دی بحالی دا سال اے۔ سامعہ نے پیشنگوئی کیتی کہ شاہد خان آفریدی دے نہ کھیڈن نال فائنل وچ پشاور زلمی دی ٹیم دی کارکردگی وچ فرق نہیں پئے گا۔ یاد رہوے کہ پچھلی رات پشاور زلمی تے کراچی کنگز وچکار چنگا مقابلا ہویا، میچ دے دوران کیچ پھڑن دی کوشش وچ شاہد آفریدی نوں انجری ہوئی جہدے پاروں اوہناں دے ہتھ اُتے 12ٹانکے لگے۔
شاہد آفریدی دی انجری مگروں اوہناں دے چاہیوان پی ایس ایل دے فائنل وچ پشاور زلمی دی ٹیم وچ اوہناں دے نہ ہون اُتے ڈاڈھے مایوس تے نیں پر نال ای اوہناں دی تندرستی لئی دعاواں وی کر رہے نیں۔
