کوئٹہ گلیڈی ایٹرز دے مینٹور سرویوبن رچرڈز نے لاہور آن اُتے رضا مندی ظاہر کر دِتی

شارجہ(پاکستان پوائنٹ نیوز01۔مارچ2017ء) پاکستان سپر لیگ دے دوجے ایڈیشن دے فائنل وچ پہنچن والی ٹیم کوئٹہ گلیڈی ایٹرز دے کھڈاری مینٹور سرویوین رچرڈز نے لاہور آن اُتے رضا مندی ظاہر کر دِتی اے۔ تفصیل دے مطابق کوئٹہ گلیڈی ایٹرز پلے آف مرحلے وچ پشاور زلمی نوں ہرا کے فائنل وچ پہنچی جہدے مگروں سرویوین چرڈز نے سماجی رابطے دی ویب سائٹ ٹویٹر اُتے اپنے پیغام وچ آکھیا ’لاہور اسیں آ رہے آں، پاکستانیوں تیار رہوو‘۔ایس توں وکھ کوئٹہ گلیڈی ایٹرز دی ٹیم اج لاہور پہنچ رہی اے تے فیلڈنگ کوچ جولین فاﺅنٹین وی ٹیم نال فائنل میچ لئی لاہور آ رہے نیں۔