دبئی(پاکستان پوائنٹ نیوز10۔فروری2017ء) پاکستان سپر لیگ دے دوجے ایڈیشن دے دوجے مقابلے وچ کوئٹہ گلیڈی ایٹرز نے لاہور قلندر نوں 8سکور توں ہرا دِتا۔ تفصیل دے مطابق لاہور قلندر نے ٹاس جِت کے پہلے فیلڈنگ دا فیصلا کیتا تے کوئٹہ گلیڈی ایٹر نوں بیٹنگ دی دعوت دِتی، اسد شفیق تے احمد شہزاد نے میدان وچ لتھ کے کھیڈ شروع کیتا پر احمد شہزاد صرف 5سکور کر کے سہیل تنویر دی گیند کیچ آﺅٹ ہو گئے، تیجے نمبر اُتے آن والے کیون پیٹرسن وی صرف تن سکور بنان وچ کامیاب ہوئے تے محمد عرفان دی گیند اُتے بولڈ ہو گئے۔
اسد شفیق 23سکور بنا کے پولین پرت گئے جدکہ محمد نواز وی صرف اک ای سکور بنان وچ کامیاب ہوئے۔ تھیسارا پریرا وی 12سکور بنا کے یاسر شاہ دا شکار بن گئے۔ روسوو دے 60سکور دے بدلے کوئٹہ گلیڈی ایٹرز نے متھے 20اووراں وچ 136سکور بنائے، لاہور قلندرز لئی محمد عرفان جونیئر نے 3، سہیل تنویر تے نارائن نے دو، دو جدکہ یاسر شاہ نے اک کھڈاری نوں آﺅٹ کیتا۔ 137سکور دے تعاقب وچ جیسن روئے تے میکولم نے لاہور لئی اننگز دی شروعات کیتی، روائے 27سکور بنا کے آﺅٹ ہو ئے جدکہ مکیولم 20سکور بنا کے واپس پرتے۔ عمر اکمل اک وار فیر بغیر کوئی سکور بنائے واپس چلے گئے جدکہ محمد رضوان 5سکور بنا کے پوویلین گئے۔ فخر زمان تے سہیل تنویر نے 5، 5کھڈاریاں نوں آﺅٹ کیتا۔
