لاہور(پاکستان پوائنٹ نیوز10۔فروری2017ء) پاکستان سپر لیگ دی مہنگی ترین فرنچائز کراچی کنگز دے کپتان کمار سنگاکارا نے اپنی ٹیم دے فائنل لئی کوالیفائی کرن مگروں پاکستان اندر کھیڈن دا اشارا دے دِتا اے۔ تفصیل دے مطابق میڈیا نال گل بات کردے ہوئے سنگاکارا دا کہنا سی کہ پاکستان وچ کرکٹ دی واپسی اک تواریخی موقع ہووے گا کیوں کہ اوتھوں دے لوک اپنی ٹیم تے غیر ملکی کھڈاریاں نوں اپنے گراﺅنڈ وچ کھیڈدا ویکھنا چاہندے نیں، ایہ پاکستان وچ موجود اگلی نسل نوں ایس پاسے لیان دا چنگا کم ہووے گا۔
سنگاکارا دا کہنا سی کہ میچ لنگھن دے نال نال کھڈاری ایس حوالے نال فیصلا کرنا شروع کر دین گے۔ اوہناں دا کہنا سی کہ پچھلے کُجھ دِناں توں ساڈیاں پی سی بی حکام نال ہون والیاں ملاقاتاں چنگیاں رہیاں تے پاکستان ولوں وی سانوں سکیورٹی دے حوالے نال چنگیاں خبر سُنن نوں مل رہیاں نیں۔ یاد رہوے کہ کمار سنگاکارا تے اوہناں دی ٹیم دے کھڈاری مہیلا جے وردھنے 3مارچ 2009دی سویر اوس بس اندر سوار سن جہنوں لبرٹی گول چکر نیڑے دہشت گرداں ولوں نشانا بنایا گیاسی۔
