لاہور(پاکستان پوائنٹ نیوز25۔جنوری2017ء) اداکارا و ماڈل صوفیہ مرزا نے آکھیا اے کہ میں ڈاکٹر بننا چاہندی ساں پر قسمت مینوں شوبز دی دنیا ول لے آئی، شروع وچ کمرشل تے ماڈلنگ کیتی، اوہدے مگروں ڈرامہ سیریل وچ اداکاری دی آفر ہوئی تے فیر میں ٹی وی اُتے آ گئی، ہن میں ہدایتکار شہزاد رفیق دی اکم فلم وچ وی مرکزی کردار ادا کر رہی آں۔ اپنے انٹرویو وچ اوہناں صوفیہ مرزا دا کہنا سی کہ بالی ووڈ وچ سٹار اداکار موجود نیں، اوہناں دے مقابلے وچ ساڈے کول ہمایوں سعید، فواد خان، حمزہ علی عباسی، عمران عباس، دانش تیمور سنے ہور درجناں اداکار موجود نیں کسے طور اُتے وی بھارتی سٹار توں گھٹ نہیں۔
اوہناں نے آکھیا کہ کامیڈی دے میدان وچ پاکستان بھارت توں اگانہ اے، ایتھے چنگے توں چنگا کامیڈین موجود اے۔ صوفیہ مرزا نے آکھیا کہ میں اک نجی ٹی وی چینل وچ مجمانی وی کر رہی آں جہدے وچ مینوں شیخ رشید دا انٹرویو کردے ہوئے سبھ توں زیادامزا آیا جدکہ ایم کیو ایم دے لیڈر فاروق ستار تے پرویز الہی دا انٹرویو وچ یادگار اے۔ اوہناں نے آکھیا کہ جے میرے کولوں کوئی خاہش پُچھی جائے تے ، میں پاکستان دی صدر بننا چاہواں گی۔
