ممبئی (پاکستان پوائنٹ نیوز07۔نومبر۔2018ء) مشہور بالی ووڈ اداکارہ پریانکا چوپڑاتے امریکی گلوکار نک جونز نے اپنے ویاہ وچ بالی ووڈ دیاں شخصیات نُوں نہ بلاون دا فیصلا کیتا اے۔ پریانکا تے جونز پہلی دسمبر نُوں بھارتی ریاست راجھستان دے شہر جودھ پور وچ اک دوجے دے ہو جان گے۔ ویاہ دی ایس تقریب وچ دوناں فنکاراں ولوں 1500 توں 2000 پروہنیاں نُوں بلایا جانا سی تے آکھیا جا رہیا سی کہ ویاہ وچ بالی ووڈ سپر اسٹار سلمان خان، کترینہ کیف، عالیہ بھٹ تے فرحان اختر سنے کئی ہور اداکار وی رلتی ہون گے پرہُن اوہناں نُوں نہ بلاون دا فیصلا کیتا گیا اے۔
بھارتی میڈیا مطابق اداکارہ پریانکا چوپڑا بالی ووڈ نال جُڑیاں شخصیات نُوں ویاہ وچ سدنا چاہندیاں سن پرہُن صرف اپنے قریبی سنگیاں تے رشتے داراں دی موجودگی وچ ویاہ کرنا چاہندیاں نیں۔
