مشہور بھارتی گلوکار(ریپر) خطرناک حالت وچ ہسپتال منتقل، زندگی تے موت دی جنگ جاری

ممبئی(پاکستان پوائنٹ نیوز25۔جنوری2017ء) بالی ووڈ دے مشہور گلوکار بادشاہ دی طبیعت وِگڑ گئی، سینے وچ درد پاروں ہسپتال منتقل کر دِتا گیا۔ بھارتی میڈیا رپورٹس دے مطابق مشہور گلوکار (ریپر) تے کمپوزر بادشاہ نوں لگاتار کم تے مختلف شہراں وچ کنسرٹس وچ رلت کارن بہت سفر کرنا پیا جہدی وجہ توں اوہناں دی طبیعت وِگڑ گئی۔ بھارتی میڈیا دے مطابق گلوکار نوں ساہ دی تکلیف اے جہدی وجہ توں اوہناں نوں ہسپتال منتقل کر دِتا گیا اے، جتھے ڈاکٹراں نے اوہناں آرام دا مشورا دِتا اے۔ یاد رہوے کہ گلوکار بادشاہ بالی ووڈ نوں مشہور گانا ”کالا چشما‘ڈی جی والے بابو میرا گانا بجادے“سنے کئی جٹ گانے دے چکے نیں۔