لگدا اے میوزک انڈسٹری یتیم ہو ندی جا رہی اے: فاخر

لاہور(پاکستان پوائنٹ نیوز07۔نومبر۔2018ء) نامور گلوکار فاخر نے کہیا اے کہ موجودہ حالات وچ انج لگدا اے کہ ساڈی میوزک انڈسٹری یتیم ہوندی جا رہی اے۔ گلوکار راحت فتح علی خان برصغیر دے وڈے گلوکار نیں، لوک سننا چاہندے نیں۔اِک انٹرویو وچ فاخر نے کہیا کہ اِک دور وچ پاکستان دی میوزک انڈسٹری نُوں عروج حاصل سی تے پوری دنیا وچ ساڈا ناں سی۔ اج صرف کجھ ای گلوکار کم کر رہے نیں تے باقی پچھے ہٹ گئے نیں۔ اوہناں نے آکھیا کہ کسے وی شعبے دی بنیاد صرف کجھ بندے نہیں ہوندے سگوں اوہدے نال سینکڑیاں لوکاں دا روزگار جڑیا ہوندا اے۔ حکومت نُوں چاہیدا اے کہ فلم تے میوزک انڈسٹری دی اگوائی کرے تاں جے فنکاراں سنے ایہدے نال جڑے ہنر منداں نُوں وی روزگار دے موقعے مل سکے۔