کراچی(پاکستان پوائنٹ نیوز17۔اکتوبر۔2018ء) ڈالر گرل ایان علی دی لمی چُپ مگروں سوشل میڈیا اُتے تصویر وائرل ہو گئی۔ ماڈل گرل نے اک نِکے بال نال اپنی تصویر شیئر کیتی اے، جیہدے وچ اوہناں نے ایہ وضاحت وی کیتی اے کہ ایہ اوہناں دے قریبی دوست دا بال اے۔تفصیل مطابق کرنسی سمگلنگ کیس وچ ملوث ماڈل گرل ایان علی لمے چِر توں چُپ رہن مگروں ساہمنے آئیاں نیں۔
اوہناں نے لگ بھگ سوا دو سال بعد سوشل میڈیا استعمال کردے ہوئے اپنی تصویر شیئر کیتی اے۔ تصویر وچ اوہناں نال اک بال وی اے۔ ایان علی نے انسٹا گرام اُتے آخری پوسٹ 5جولائی 2016نوں لائی سی، جیہدے وچ اوہناں نے عید دی مبارکباد دتی سی۔ ایان علی نے انسٹا گرام اُتے بال نال اپنی اک تصویر شیئر کردے ہوئے لکھیا کہ سارے لوکاں نوں ہیلو!آس اے کہ تُسیں سارے خیرت نال ہوو گے۔ ایان علی نے ایس موقعے تے کسے وی غلط فہمی توں بچن لئی تصویر وچ نظر آن والے بال دے حوالے نال وی وضاحت کردے ہوئے آکھیا کہ ایہ بہت ای پیارا بال میرے بہترین دوست دی دھی اے۔
