شرمین عبید چنائے نے اک ہور ایوارڈ اپنے ناں کرلیا

واشنگٹن(پاکستان پوائنٹ نیوز17۔اکتوبر۔2018ء) شرمین عبید چنائے نے اک ہور ایوارڈ اپنے ناں کر لیا۔ شرمین عبید نوں امریکا وچ ’دی ایلیسین گلوبل لیڈر شپ‘ ایوارڈ دتا گیا۔ میڈیا رپورٹس مطابق 2وار آسکر ایوارڈ جِتن والی شرمین عبید نے اک ہور ایوارڈ اپنے ناں کر لیا اے۔ شرمین عبید نے ’دی ایلیسین گلوبل لیڈر شپ‘ ایوارڈ وی اپنے ناں کیتا اے۔ شرمین عبید نوں ایس ایوارڈ نال امریکا وچ نوازیا گیا۔

شرمین عبید ایہ ایوارڈ حاصل کرن والیاں پہلیاں پاکستانی بن گئیاں نیں۔ یاد رہوے کہ شرمین عبید 2 وار آسکر ایوارڈ وی لے چُکیاں نیں، جو ایس طرحاں پہلاں کسے پاکستانی نوں نہیں ملیا۔ شرمین عبید نے آسکر ایوارڈ جِت کے پوری دنیا وچ پاکستان دا ناں اُچا کیتا۔ شرمین عبید نوں دوجا ایوارڈ اوہناں دی دستاویزی فلم ’اے گرل ان دا ریور‘ اُتے دتا گیا۔ شرمین عبید چنائے دی دستاویزی فلم ’اے گرل ان دی ریور‘ نے 49ویں سالانہ رابرٹ ایف کینیڈی ایوارڈ وچ بیسٹ انٹرنیشنل ٹیلی ویژن ایوارڈ جِتیا سی۔ ایس توں پہلاں ایسے فلم نوں آسکر تے ایلفرڈ آئی ڈیویونٹ کولمبیا یونیورسٹی ایوارڈ وی دتا گیا اے۔