ممبئی(پاکستان پوائنٹ نیوز24۔جنوری2017ء) بھارتی سیاستدان تے بچن خاندان دے اک قریبی دوست امر سنگھ نے پچھلے دِنا ای اپنے بیان وچ انکشاف کیتا اے کہ امیتابھ بچن تے اوہناں دی بیوی جیا بچن اکٹھے نہیں رہندے۔ ایس توں پہلے امر سنگھ نے ایہ وی بیان دِتا سی کہ امیتابھ بچن نے مینوں جیا بچن نوں سماجوادی پارٹی دے رکن دے طور اُتے قبول کرن توںمنع کیتا اے جہدے اُتے امیتابھ بچن نے اپنے بیان وچ آکھیا سی کہ امر سنگھ ساڈا قریبی ساتھی اے۔
اوہناں نوں ایہ حق اے کہ اوہ جو وی کہنا چاہوے آکھ سکدا اے، پر ہن اپنے تازا بیان وچ امر سنگھ نے انکشاف کیتا اے کہ بالی ووڈ دے بے تاج اداکار امیتابھ بچن اپنی بیوی جیا بچن نال نہیںرہندے۔ اوہناں نے دسیا کہ دوویں وکھ وکھ گھراں وچ رہندے نیں۔ اپنے بیان وچ امر سنگھ نے جیا بچن تے ایشوریا رائے بچن وچکار اپائے جان والے اختلافات ول وی اشارا کیتا۔
