ممبئی(پاکستان پوائنٹ نیوز13۔اکتوبر۔2018ء) جنسی ہراسگی خلاف شروع ہون والے ’می ٹو‘ مہم وچ کئی انکشافات ساہمنے آئے نیں۔ ایس مہم دے تحت سوشل میڈیا اُتے کئی ورتیندڑاں،اداکاراں،گلوکاراں تے سوانیاں نے بہت سارے مشہور بندیاں اُتے جنسی ہراسگی دے الزام لائے ،جنہاں نے سوشل میڈیا ورتیندڑاں(صارفین) نوں حیران کر دتا۔ ’می ٹو‘ مہم دے تحت سوشل میڈیا اُتے الزام لان تے انکشافات دا کم جاری اے جیہدے توں بالی ووڈ دے لیجنڈری اداکار امیتابھ بچن وی نہیں بچ سکے۔
مائیکرو بلاگنگ ویب سائٹ ٹویٹر اُتے اک سوانی نے امیتابھ بچن اُتے سوانیاں نوں ہراساں کرن الزام لایا۔ الزام لان والی و بگ باس 6دا حصہ رہن والی سپنا نامی سوانی دا آکھنا سی کہ امیتابھ بچن دی جنسی طور اُتے سوانیاں نوں ہراساں کرن دیاں بہت ساریاں کہانیاں سُنیاں نیں۔ میں آس کرنی آں کہ اوہ ساریاں سوانیاں اوہدے خلاف آواز چُکن گیاں کیونکہ میں ہن امیتابھ بچن دی منافقت توں بہت تنگ آ گئی آں۔
