نویں دِلی(پاکستان پوائنٹ نیوز28۔نومبر۔2016ء) بھارتی وزیر سمرتی ایرانی نوں اوس ویلے اوکڑاں دا ساہمنا کرنا پیا جدوں اک تقریب لئی جاند ے ہوئے اوہناں دی جُتی ٹُٹ گئی تے مجبوری پاروں اوہناں نوں سڑک کنڈھے بیٹھے اک موچی توں اپنی جُتی گنڈھوانی کروانی پئی، موقعے اُتے موجود بندیاں نے واقعے دی ویڈیو بنا کے انٹرنیٹ اُتے اپ لوڈ کر دِتی جو وائرل ہو گئی تے اوہنوں بار بار ویکھیا جا رہیا اے۔
بھارتی میڈیا دے مطابق بھارتی اداکارا تے وزیر سمرتی ایرانی نویں دِلی وچ تامل ناڈو دے اک شہر پہنچیاں جتھے اوہناں نوں اک تقریب وچ رلت کرنی پئی پر ادھے راہ وچ اوہناں دی جُتی ٹُٹ گئی جس پاروں اوہناں نوں سڑک کنڈھے بیٹھے اک موچی توں اپنی جُتی گنڈھوانی پئی۔ موچی نے اوہناں دی جُتی گنڈھن دے صرف 10رُپئے منگے پر سمرتی نے سخاوت دا وکھالا کردے ہوئے اوہنوں 100رُپئے دِتے۔
موقعے اُتے موجود بندیاں نے واقعے دی ویڈیو بنا کے اوہنوں انٹرنیٹ اُتے اپ لوڈ کر دِتا ، جہدے بعد اوہناں دی ایہ ویڈیو وائرل ہو گئی تے ایہنوں کئی وار ویکھیا جا رہیا اے۔ یاد رہوے کہ سمرتی ایرانی انڈین ڈرامیاں دیاں مشہور اداکارا نیں اوہناں نے 2014دے الیکشن وچ بی جے پی دے ٹکٹ اُتے الیکشن جِتیا تے بعدوچ اوہ راجیہ سبھا دی رکن بنیاں، فیر اوہناں نوں منسٹر بنا دِتا گیا۔
