ممبئی(پاکستان پوائنٹ نیوز25۔نومبر۔2016ء) بالی ووڈ اداکارا و ہدایتکار ارباز خان تے آئٹم گرل ملائکہ اروڑہ 18ورھیاں توں شادی دے بندھن وچ بھجے رہے پر دوویں فلمی ستاریاں وچکار اختلاف پاروں پچھلے اک ورھے توں علیحدگی ہو گئی اے، کُجھ چِر پہلے ای دوواں نے باقاعدا طور اُتے طلاق لئی عدالت نال رابطا کیتا سی پر ملائکہ اروڑہ دا ناں پہلے اک بزنس مین تے فیر اداکار ارجن کپور نال وی جوڑیا گیا سی پر ہن بالی ووڈ آئٹم گرل نے ایس حوالے نال چُپ توڑ دِتی اے۔
بھارتی میڈیا دے مطابق بالی ووڈ وچ آئٹم گرل دے ناں نال مشہور ملائکہ اروڑہ خان کولوں جدوں اک انٹرویو دے دوران ارجن کپور نال دوستی بارے پُچھیا گیا تے اوہناں دا کہنا سی کہ ارجن میرے بہت چنگے دوست نیں پر سبھ ایس دوستی نوں دوجا رنگ دین اُتے لگے ہوئے نیں جو کہ بالکل غلط اے۔ یاد رہوے کہ اداکارا ارباز خان تے ملائکہ اروڑہ دا 14ورھیاں دا پُتر ارہان خان وی اے، دوواں وچکار 18ورھےاں تیک شادی رہن دے بعد فیملی کورٹ وچ طلاق لئی درخاست وی جمع کروائی گئی اے۔
