فیشن برائیڈل ویک: چاہ والے ارشد خان دی وی ریمپ اُتے واک

لاہور(پاکستان پوائنٹ نیوز28۔نومبر۔2016ء) لاہور دے مقامی ہوٹل وچ تن دِنا فیشن برائیڈل ویک ختم ہو گیا اے۔ مقامی ہوٹل وچ ہون والے برائیڈل ویک وچ ملک دے مشہور ڈیزائنر نے ویاہ دیاں تقریباں جویں کہ تیل مہندی، جنج تے ولیمے لئی نویں نویں ڈیزائن متعارف کروائے جدکہ ایس برائیڈل ویک وچ سوشل میڈیا توں شہرت حاصل کرن والا ارشد خان المشہور ’چاہ والے‘ نے وی ریمپ اُتے واک کیتی۔ ارشد خان نے دُلھے لئی ڈیزائن کیتے گئے کپڑے پاکے ریمپ اُتے واک کردے ہوئے حاضرین نوں حیران کر دِتا۔ یاد رہوے کہ ارشد خان نے اپنی اک تصویر پاروں سوشل میڈیا اُتے مشہوری حاصل کیتی اے۔