پیرو(پاکستان پوائنٹ نیوز19۔نومبر۔2016ء) امریکی ڈرامیاں دی مشہور اداکار لیزا لین نے ڈپریشن پاروں خدکشی کر لئی، اوہناں دی لاش اوہناں دے اپنے ای کمرے وچوں برآمد ہوئی۔ تفصیل دے مطابق امریکی اداکارا لیزا لین نے کئی ڈرامیاں وچ اداکاری کیتی پر اوہناں نوں شہرت ”گوسپ گرل“ ڈرامے توں ملی جدکہ اداکارا نے کئی مشہور ٹی وی شوز وچ وی حصہ لیا اے مشہور اداکارا دی خدکشی نے سبھ نوں حیران کر دِتا اے۔
امریکی خبر رساں ادارے دے مطابق 52ورھیاں دی اداکارا لیزا لین ماڈلنگ دی تقریب وچ رلت لئی جنوبی امریکا دے ملک پیرو وچ موجود سن، جتھے اوہناں نے مقامی ہوٹل وچ اپنی قمیض نوں پھاہ بنا کے خدکشی کرلئی۔ مقامی اخبار نے پولیس دے حوالے نال دعوا کیتا اے کہ اداکارا دے کمرے توں اینٹی ڈپریشن دوائیاں تے دو خط وی ملے نیں جس پاروں اوہناں دی خدکشی دے امکان نوں تقویت ملدی اے۔
