حیدر آباد(پاکستان پوائنٹ نیوز18۔نومبر۔2016ء) بھارتی ریاست حیدر آباد وچ پچھلے دیہاڑے بھارتی ٹینس سٹار ثانیہ مرزا دی بھین دی سنگیت دی تقریب ہوئی۔ تفصیل دے مطابق ٹینس سٹار ثانیہ مرزا دی بھین دی شادی دی تقریب بھارتی ریاست حیدر آباد وچ ہوئی، تقریب وچ رلت لئی اوہناں دے شوہر تے پاکستانی کرکٹر شعیب ملک تے پہنچے ای پر ایس تقریب وچ بالی ووڈ دے دبنگ خان ، پرینیتی چوپڑا تے فرح خان سنے ہور بالی ووڈ ستارےاں نے رلت کیتی۔
سوشل میڈیا اُتے ثانیہ مرزا، شعیب ملک تے سلمان خان سنے پرینیتی چوپڑا دی اک تصویر وی ڈاڈھی مشہور ہوئی اے۔ سوشل میڈیا اُتے آئی تصویر وچ ویکھیا گیا کہ سلمان خان تے پرینیتی چوپڑا نے ثانیہ مرزا نال ڈانس وی کیتا۔ یاد رہوے کہ ثانیہ مرزا دی بھین انعم تے اوہناں دے شوہر اکبر دی پچھلے ورھے منگنی ہوئی سی جدکہ چالو ورھے دوواں دا ویاہ ہو گیا اے۔
