ممبئی(پاکستان پوائنٹ نیوز21۔نومبر۔2016ء) ممبئی پولیس نے اک ماڈل نوں فحش تصویراں تے میسج گھلن دے الزام وچ بھارتی اداکار اعجاز خان نوں گرفتار کر لیا اے۔ بھارتی میڈیا رپورٹ دے مطابق ریلیٹی شو بگ باس وچ اپنی جھیڑویاں حرکتاں توں شہرت حاصل کرن والے اداکار اعجاز خان ڈاڈھی طرحاں قانون دے شکنجے وچ آگئے نیں۔ ممبئی پولیس نے نہ صرف اوہناں نوں گرفتار کیتا بلکہ خاتون دی شکایت اُتے اوہناں خلاف مقدما وی درج کر لیا اے۔
رپورٹ دے مطابق اداکار اعجاز خان اک 25ورھیاں دی ماڈل ایشوریا چوبے نوں مبینہ طور اُتے سماجی رابطے دی ویب سائٹ وائٹس ایپ اُتے فحش میسج تے تصویراں گھلدے سن، پولیس نے خاتون دی درخاست اُتے ایکشن لیندے ہوئے اعجاز خان نوںگرفتار کر کے مقدما درج کر لیا اے پر اوہناں نوں تھانے رکھن دے بعد ضمانت اُتے چھڈ دِتا گیا۔ دوجے پاسے اعجاز خان نے الزام نوں رَد کردے ہوئے ایس کم نوں سازش قرار دِتا اے۔
