ہالی ووڈ فلم ”دی ٹیک“ اگلے مہینے سینمیاں وچ لگے گی

نیویارک(پاکستان پوائنٹ نیوز10۔اکتوبر۔2016ء) بالی ووڈ ایکشن فلم ”دی ٹیک“ دا پہلا ٹریلا ریلز کر دِتا گیا، فلم نومبر وچ سینمیاں وچ لگے گی، فلم دی کہانی اک ایسے نوجوان دے دوالے گھمدی اے جہدے علم وچ جرم دی دنیا دے خطرناک راز نیں۔ ایس نوجوان دا مشن تے سابق سی آئی اے ایجنٹ توں پردا چکنا ہوندا اے پر اوہ آپے ای جرم دی دلدل وچ پھسدا چلا جاندا اے۔ ایس فلم دے ہیرو ادریس ایلبا نیں ،جو فلم وچ دشمناں وچکار رہندے ہوئے انجان بن کے ثبوت اکٹھے کرن دی فکر وچ لگے رہندے نیں۔ ایکشن نال بھرپور فلم 8 نومبر نوں ریلز کیتی جاوے گی۔