لاہور(پاکستان پوائنٹ نیوز10۔اکتوبر۔2016ء) پاکستانی فلم میکر نے چنگیاں فلماں بنا کے ثابت کر دِتا اے کہ جے اوہناں نوں وسائل دِتے جان تے اوہ لوکاں نوں مایوس نہیں کرن گے، پروجیکٹ دا چناؤ سوچ سمجھ کے کرنی آں، سینمیاں دے مالکاں نوں فلم انڈسٹری دی بحالی وچ مثبت کردار ادا کرنا چاہیدا۔ ایہناں خیالاں دا اظہار اداکارا عائشہ خان نے اپنے اک انٹرویو وچ کیتا۔
اوہناں دا کہنا سی کہ فلم مقبول تے فاسٹ میڈیم اے جہدا بالی ووڈ تے ہالی ووڈ بھرپور فائدا چُکدے ہوئے کلچر نوں پروموٹ کر رہے آں۔ اوہناں دا کہنا سی کہ سینمیاں دے مالک منافع ضرور کمان پر جدوں کوئی پاکستانی فلم ریلیز ہووے تے زیادا شوز دین تاں جے فلم میکنگ وچ سرمایا کاری دا رجحان ودھے۔ اوہناں نے آکھیا کہ آن والے ویلے وچ ویکھیا جائے تے ایہ سینما مالکان لئی گھاٹے دا سودا ثابت نہیں ہووے گا۔
