سلمان خان دی کزن زرین خان نوں بولڈ اداکاری راس آ گئی، فلماں دی بارش

ممبئی(پاکستان پوائنٹ نیوز08۔اکتوبر۔2016ء) فلم ”ویر“ وچ اپنی سادگی نال فلم دے شوقیناں نوں دیوانا بنان والیاں اداکارا زرین خان ہُن فلماں وچ بولڈ اداکاری کرن نوں ترجیح دے رہیاں نیں، ایہو وجہ اے کہ ہُن اوہناں اُتے فلماں دی بارش ہو رہی اے۔ اوہ اپنی آخری ریلیز ہون والی فلم ”ہیٹ سٹوری 3“ وچ بولڈ اداکاری کردیاں نظر آئیاں۔ بولڈ اداکاری دے حوالے نال زرین خان دا کہنا اے کہ میری بولڈ نیس پِچھے میری ماں دا ہتھ اے۔ فلم ”ہیٹ سٹوری 3“ کرن ویلے بہت اُلجھن دا شکارساں پر ماں نال گل بات کرن دے بعد میرے وچ اعتماد آیا۔ اوہناں نے آکھیا کہ میری ماں دی رائے میرے لئی اہمیت رکھدی اے۔