اسلام آباد(پاکستان پوائنٹ نیوز 06۔اکتوبر 2016ء) سپریم کورٹ نے فلم ”مالک“ دی نمائش دی اجازت خلاف حکومتی اپیل اُتے اعتراض جوگ مواد دیاں تفصیلاں تے فلم دی سی ڈی پیش کرن دا حکم دے دِتا۔ تفصیل دے مطابق جمعرات دے دیہاڑے سپریم کورٹ دے جسٹس فائز عیسی نے آکھیا کہ فیصلا کرن توں پہلے فلم ویکھنا ضروری اے، شاہی فرمان جاری کر کے پابندی نہیں لائی جا سکدی۔ ایس موقعے اُتے ڈپٹی اٹارنی جنرل نے اپنے دلائل وچ آکھیا کہ حکومت نوں سنسر سرٹیفکیٹ منسوخ کرن دا اختیار اے۔ ایس موقعے اُتے جسٹس فائز عیسی نے ریمارکس دِتے کہ سرٹیفکیٹ منسوخی توں پہلے انکوائری ضروی اے، شاہی فرمان جاری کر کے پابندی عائد نہیں کیتی جا سکدی۔
فلم ”مالک“ دی نمائش اُتے پابندی، سپریم کورٹ دا اعتراض جوگ مواد دیاں تفصیلاں تے فلم سی ڈی پیش کرن دا حکم
8 سال پچھے
