”رونگ نمبر“ فلم دی ٹیم نویں کامیڈی فلم بنان لئی اکٹھی ہو گئی،ہدایتکار یاسر نواز اِک کامیڈی فلم ”مہر النساء وی لب یو‘ بنان جا رہے نیں

کراچی (پاکستان پوائنٹ نیوز۔28ستمبر 2016) پاکستانی فلم ”رونگ نمبر“ دی ٹیم اِک نویں کامیڈی فلم بنان لئی اکٹھی ہو گئی اے۔ ہدایت کار یاسر نواز اِک کامیڈی فلم ”مہر النساء وی لب یو‘ بنان جا رہے نیں جہدے وچ دانش‘ ثناء جاوید تے جاوید شیخ مرکزی کرداراں وچ نظر آن گے۔ ایس کامیڈی فلم وچ مداحاں نُوں اِک مضبوط سماجی پیغام وی دِتا جاوے گا۔ میڈیا نال گلبات کردیاں ہویاں یاسر دا کہنا سی کہ کامیڈی فلم ہون دے نال نال ایس فلم وچ اِک ایہو جہے موضوع اُتے وی گل کیتی جاوے گی جو ساڈی سوسائٹی لئی ضروری اے۔ یاسر نواز دے مطابق اوہ اپنی فلم دی شوٹنگ دا سیٹ کراچی دی مشہور شاہراہ بزنس روڈ اُتے لان گے جو پاکستان دی تواریخ دا سبھ توں وڈا سیٹ ہووے گا۔