ماپے دھیاں نُوں جہیز وچ اعلا تعلیم دا تحفا دین: بہار بیگم

لاہور (پاکستان پوائنٹ نیوز۔28ستمبر 2016) سینئر اداکارا بہار بیگم نے کہیا اے کہ ساڈے ملک وچ خاندگی دی شرح بہت گھٹ اے جہدے کارن ساڈے معاشرے توں جہیز ورگی لعنت دا خاتما اج وی نہیں ہو سکیا‘ میری ماپیاں نُوں تجویز اے کہ اوہ دھیاں نُوں جہیز وچ اعلا تعلیم دا تحفا دین۔ اِک بیان وچ اوہناں دا کہنا سی کہ زمانا جاہلیت دیاں بے بنیاد تے فرسودا روایتاں اج تک رائج نیں تے کئی لوک ودھ توں ودھ جہیز وصول کرن دی کوشش کردے نیں جد کہ اوہ ایہ نہیں سمجھدے کہ اِک غریب دی دھی دے وی ارمان نیں۔ بے شمار غربت دے کارن بچیاں جہیز دی لعنت دا شکار ہو جاندیاں نیں تے اوہناں دی جوانی انتظار وچ ای ڈھل جاندی اے۔ اوہناں دا کہنا سی کہ تعلیم انسان نُوں شعور دیندی اے۔