شوبز نے سنگیاں توں دور کر دِتا اے: ماڈل تے اداکارا سجل علی

کراچی (پاکستان پوائنٹ نیوز۔30ستمبر 2016) ماڈل تے اداکارا سجل علی نے اِک ملاقات وچ کہیا کہ ملکی و غیر ملکی فلماں تے ٹی وی ڈرامیاں دی مصروفیات نے سنگیاں توں وی دور کر دِتا سی۔ ایہو جہے ویلے وچ ہور ڈرامیاں تے فلماں دی آفرز میرے لئی کِسے چیلنج توں گھٹ نہیں سن۔ ہدایتکار انجم شہزاد دی فلم ”زندگی کتنی حسین ہے‘ ‘ دی شاندار کامیابی نے مینوں اِک نویں شناخت دے کے حوصلا دِتا۔ بھارتی فلم وچ سری دیوی تے ہور فنکاراں دے نال کم کر کے اِک نواں تجربا مِلیا۔ ایس فلم وچ میرا مرکزی نوعیت دا کردار اے۔ میری پرفارمنس پاکستان ای نہیں بھارتی شائقین نُوں وی متاثر کرے گی‘ ہور فلماں وچ کم دی پیشکش ہو چکی اے پر میری کوشش اے کہ اِک ویلے وچ اِک کم کراں۔