فودا تے ماہرہ خان دیاں فلماں دی ریلیز نہ روکی جاوے،بالی وڈ دے مشہور اداکار سلمان خا نے انتہا پسند ہندو آگو راج ٹھاکر نُوں فون کر دِتا

نویں دِلی(پاکستان پوائنٹ نیوز۔28ستمبر 2016) بالی ووڈ دے مشہور اداکار سلمان خان نے انتہا پسند ہندو آگو راج ٹھاکرے نُوں کہیا اے کہ فواد خان تے ماہرہ خان دیاں فلماں دی ریلیز نہ روکی جاوے۔ بھارتی میڈیا مطابق سلمان خان نے مہاراشٹرا نیورمن سینا دے صدر راج ٹھاکرے نُوں ٹیلی فون کیتا تے کہیا کہ ’اے دل ہے مشکل“ تے ”رئیس“ نُوں پرامن طریقے نال ریلیز ہون دِتا جاوے۔ راج ٹھاکرے تے سلمان خان وچکار بہت پرانی دوستی اے۔ اڑی حملے دے بعد راج ٹھاکرے دی انتہا پسند جماعت نے فواد خان تے ماہرہ خان سنے سارے پاکستانی اداکاراں نُوں 48 گھنٹیاں وچ بھارت چھڈن دی دھمکی دِتی سی۔ راج ٹھاکرے نے کرن جوہر دی فلم اے دل ہے مشکل تے شاہ رخ خان دی فلم رئیس دی ریلیز نُوں روکن دی وی دھمکی دِتی سی۔