سُراں دی ملکہ لتا منگیشکر نے زندگی دیاں 87 بہاراں ویکھ لئیاں،لتا نے 1942 وچ اپنے والد دے انتقال بعد گلوکاری دا آغاز کیتا

ممبئی (پاکستان پوائنٹ نیوز۔28ستمبر 2016) 1929 وچ موسیقار دینا ناتھ منگیشکر دے گھر پیدا ہون والی لتا منگیشکر نے 1942 وچ اپنے والد دے انتقال دے بعد گلوکاری دا باقاعد آغاز کیتا تے برصغیر پاک و ہند دیاں کئی نسلاں لتا منگیشکر دے گاے سن کے جوان ہوئیاں نیں تے ہُن وی اوہناں دے گیت کروڑاں لوکاں دے دلاں دی دھڑکن نیں۔ لتا منگیشکر نے فلمی دنیا وچ قدم رکھن دے بعد شروع وچ اداکاری وی کیتی تے مختلف فلماں وچ بچیاں دے کردار نبھائے پر فیر اوہناں نے اپنے آپ نُوں صرف تے صرف گلوکاری لئی وقف کر دِتا جِتھے اوہناں نے اپنے دور دے سارے ای چھوٹے وڈے موسیقاراں دے نال کم کیتا جد کہ محمد رفیع‘ کشور کمار تے مکیش کمار سنے اپنے دور دے سارے کایابی گلوکاراں نال اپنی اواز دا جادو جگایا۔