وفاقی حکومت نے بھارتی فلماں دی نمائش اُتے پابندی لا دتی

اسلام آباد( پاکستان پوائنٹ نیوز24۔مئی2018ء ) وفاقی حکومت نے بھارتی فلماں دی نمائش اُتے پابندی لا دتی۔ پابندی عید والے دن توں شروع ہو کے 2ہفتیاں تیکر جاری رہوے گی۔ نوٹی فکیشن جاری کر دتا گیا۔ تفصیل مطابق وفاقی حکومت نے بھارتی فلماں دی پاکستان وچ نمائش اُتے پابندی لا دتی۔ وفاقی حکومت ولوں بھارتی فلماں اُتے پابندی عارضی طور اُتے لا گئی اے۔ پابندی دا اطلاق نِکی عید تے وڈی عید اُتے ہوئے گا۔ پابندی عید والے دن توں شروع ہو کے دو ہفتیاں تیکر جاری رہوے گی۔ ایس حوالے نال وفاقی حکومت نے نوٹی فکیشن وی جاری کر دتا اے۔ وفاقی حکومت مطابق فیصلاپاکستانی فلمی صنعت نوں فروغ دین لئی کیتا گیا اے۔