قومی ترانے دی دھن مختلف انداز نال ترتیب دین دا فیصلا

اسلام آباد(پاکستان پوائنٹ نیوز23۔جون2017ئ) وفاقی حکومت نے قومی ترانے دی دھن نوں نویں آرکسٹرا اُتے ترتیب دین دا فیصلا کیتا اے جہدے لئی نیشنل کونسل آف آرٹس نوں ذمے واری دے دتی گئی اے۔ ایہ فیصلا پچھلے دیہاڑے اک اعلا سطحی اجلاس وچ کیتا گیا جہدی صدارت وفاقی وزیر اطلاعات و نشریات مریم اورنگزیب نے کیتی۔ اجلاس وچ پاکستان دی 70ویں سالگرھا منان دیاں تیاریاں دا جائزا لتا گیا۔ اجلاس وچ قومی ترانے دی دھن نوں مختلف آرکسٹرا اُتے نویں انداز نال ترتیب دین دا فیصلا کیتا گیا جہدے وچ پاکستان دے سارے صوبیاں دی روایتی موسیقی دے آلات دیاں دھناں نوں شامل کیتا جائے گا۔