پشاور(پاکستان پوائنٹ نیوز23۔جون2017ئ) بالی ووڈ دے کنگ خان شاہ رخ خان نے پاکستانی اداکارا ماہرہ خان نال ’رئیس‘ وچ کم کیتا۔ دوواں دی فلم نوں پاکستان تے بھارت وچ سلاہیا گیا۔ ایس فلم وچ شاہ رخ خان نے پشوری جُتی پائی جو اوہناں لئی پاکستان دے شہر پشاور توں اُچیچی بنائی گئی سی۔ پر ہن چالو ورھے نِکی عید اُتے وی شاہ رخ خان نوں پشوری اُچیچی جُتی تحفے وچ دتی جائے گی۔
بالی ووڈ دے کنگ خان لئی جُتی دا آرڈر پشاور دے مشہور جُتیاں بنان والے جہانگیر صافی نوں دتا گیا اے۔ ایہ آرڈر پشاور وچ رہن والے شاہ رخ خان دے کزن نے دتا۔ شاہ رخ خان نے عید دے موقعے اُتے پشوری جُتی پان دی خاہش دا وکھالا کیتا سی۔ شاہ رخ خان نوں اوہناں دی پسند دی جُتی دا آرڈر ٹرانزم کوریئر سروس راہیں کراچی توں ممبئی ڈیلیور کیتا جائے گا۔ ایہ پہلی وار نہیں اے کہ شاہ رخ خان پاکستان وچ تیار ہوئی پشوری جُتی پان گے بلکہ ایس توں پہلے وی شاہ رخ خان دی اُچیچی فرمائش اُتے اوہناں دی کزن نور جہاں نے اوہناں لئی پشوری جُتیاں دے جوڑ تیار کروائے سن۔
