بنگلا دیشی اداکارا نے فلم انڈسٹری چھڈ کے تبلیغ شروع کر دتی

بنگلا دیشی اداکارا نے فلم انڈسٹری چھڈ کے تبلیغ شروع کر دتی

ڈھاکا(پاکستان پوائنٹ نیوز24۔جون2017ء) بنگلا دیش توں تعلق رکھن والی مشہور اداکارا نے فلم انڈسٹری چھڈ کے اسلام دی تبلیغ شروع کر دتی۔ بنگلا دیشی میڈیا مطابق 22 ورھیاں دی اداکارا نازنین اختر بیپی نے فلم انڈسٹری نوں نہ صرف چھڈ دتا اے بلکہ اسلام دی تبلیغ دے نال نال اپنا حلیہ وی بدل لیا اے۔ اوہ ہن نہ صرف ہتھاں اُتے دستانے تے پیراں وچ جوراباں پاندیاں نیں بلکہ برقعہ وی استعمال کردیاں نیں ۔ ایس توں وکھ اوہناں نے اپنا ناں وی بدل کے متا اللہ رکھ لیا اے۔ ایہناں ساریاں گلاں دے نال نال متا اللہ نے مدرسے وچ قرآن وی پڑھنا شروع کر دتا اے۔ متا اللہ دی زندگی وچ ایہ تبدیلی کیویں آئی ایہدے اُتے اک کتاب وی چالو مہینے چھپ گئی اے جو ہتھوں ہتھ وک وی گئی۔