ممبئی(پاکستان پوائنٹ نیوز10۔جون2017ء) بالی ووڈ اداکار عامر خان دی فلم ’دنگل‘وچ کم کرن والی اداکارا فاطمہ ثناءشیخ دے روزیاں وچ نِکے کپڑے پان اُتے بھات وچ نواں جھیڑا شروع ہو گیا۔ مسلمان خاندان توں تعلق رکھن والی 25ورھیاں دی اداکارا فاطمہ ثناءشیخ نے ’دنگل‘ فلم وچ عامر خان دی دھی تے بھلوان کُڑی دا کردار ادا کیتا سی جدکہ ایس توں پہلے اوہ چائلڈ سٹار دی حیثیت نال وی فلماں تے ڈارمیاں وچ کم کر چکیاں نیں۔
فاطمہ ثناءشیخ نے دو دن پہلے انسٹا گرام اُتے اپنی تصویر شیئر کیتی سی، جہدے وچ اوہ سمندر کنڈھے کرسی اُتے بیٹھیاں نیں۔ تصویر وچ فاطمہ ثناءشیخ نے اک کالے رنگ دا سوئمنگ سوٹ پایا اے جو نِکا اے۔ تصویر شیئر کیتے جان مگروں پہلے تے اوہنوں نوں انسٹا گرام ولوں تنقید دا نشانا بنایا گیا بعدوں ذکر کیتی گئی تصویر نوں لے کے ہور سوشل میڈیا تے بحث کیتی گئی۔
