مومنہ مستحن دا ائر پورٹ اُتے اعلان: ویڈیو وائرل

لاہور(پاکستان پوائنٹ نیوز01۔مئی2017ء) کوک سٹوڈیو توں مشہور ہون والیاں مومنہ مستحن خبراں وچ آﺅندیاں رہندیاں نیں پر ہن سوشل میڈیا اُتے مومنہ مستحن دی اک ویڈیو وائرل ہوئی اے جہدے وچ اوہ اُڈان دا اعلان کر رہیاں نیں۔ سوشل میڈیا اُتے سائٹ انسٹاگرام اُتے مومنہ مستحن دی ایہ ویڈیو پوسٹ کیتی گئی۔ ویڈیو پوسٹ دے نال سرخی وچ دسیا گیا کہ پچھلے دیہاڑے مومنہ مستحن نے لاہور ائر پورٹ توں اُڈان دا اعلان کیتا پر حیرانگی دی گل ایہ اے کہ کئی مسافراں نے اعلان کرن والی اپنی پسند دی آواز نوں نہیں پہچانیا۔ ویڈیو پوسٹ کرن والے بندے دا کہنا سی کہ مومنہ نے اُڈان دا اعلان اینی مہارت نال کیتا کہ اوہدے مگروں مینوںوی احساس ہویا کہ مینوں وی اینی مہارت نال کم کرن دی لوڑ اے۔