لاہور(پاکستان پوائنٹ نیوز01۔مئی2017ء) اداکارا نیلم منیر نے آکھیا اے کہ سینئر اداکارا نائلہ جعفری نوں کینسر ورگے خطرناک روگ توں بچان لئی سانوں حکومت دی بجائے آپ کوششاں کرنیاں ہون گیاں، اج فنکاراں دیاں منفی خبراں نوں سرخیاں دے طور اُتے پیش کیتا جاند ا اے جدکہ نائلہ جعفری ورگی سینئر اداکارا نوں اسیں اکلے مرن لئی چھڈ دینے آں۔ اوہناں نے اک انٹرویو وچ آکھیاکہ معاشرے دی بے حسی دی وجہ توں کئی فنکار پہلے ای دنیا توں چلے گئے نیں تے ہن نائلہ جعفری کینسر ورگے خطرناک روگ دا مقابلا کر رہی اے، ایہناں حالات وچ حکومت نوں آپ اگے ودھ کے اوہناں دے علاج لئی سارے وسائل دینے چاہیدے پر افسوس دی گل ایہ اے کہ اوہناں ول کسے نے توجہ ای نہیں دتی۔
نیلم منیر نے آکھیا کہ میں اپنے سارے ساتھی فنکاراں توں اپیل کرنی آں کہ اوہ نائلہ جعفری دی زندگی بچان لئی اپنا اپنا کردار ادا کرن تاں جے بعدوں سانوں پچھتاوا نہ ہووے۔
