لاہور(پاکستان پوائنٹ نیوز02۔مئی2017ء) گلوکارا سائرہ ارشد نے وزیر اعظم بنن دی خاہش ظاہر کردتی، نواز شریف، عمران خان تے نہ آصف زرداری ہن میری واری دا نعرا لے کے گلوکارا میدان وچ آ گئیاں۔تفصیل دے مطابق گلوکارا سائرہ ارشد نے گل بات کردے ہوئے دسیا کہ میں اپنے خاب وچ اپنے آپ نوں وزیر اعظم دے طور اُتے ویکھیا اے تے میرے خاب اکثر سچ ہوندے نیں۔ اوہناں دا کہنا سی کہ ہن نواز شریف، عمران خان تے نہ آصف علی زراری بلکہ ہن وزیر اعظم بنن دی میری واری اے۔
میں جے خاب ویکھیا اے مینوں سو فیصد یقین اے کہ میں ایس ملک دی وزیر اعظم بناں گی۔ اک سوال دے جواب وچ گلوکارا دا کہنا سی کہ جس طرحاں منظور وٹو کُجھ سیٹاں نال پنجاب دا وزیر اعلا بن گیا سی اوسے طرحاں کوئی سبب میرے وزیر اعظم بنن دا وی لگ جائے گا۔ سائرہ ارشد نے آکھیا کہ میں صرف فنکاراں دی وزیر اعظم نہیں بناں گی بلکہ ایس ملک دے 24کروڑ لوکاں دی وزیر اعظم بن کے اوہناں دےاں محرومیاں تے دُکھ دور کراں گی۔
