ممبئی(پاکستان پوائنٹ نیوز18۔اپریل2017ء) بھارتی گلوکار سونو نگم ولوں اذان دی توہین کرن اُتے بھارت وچ ہنگامہ کھڑا ہو گیا، اذان بارے مَندی زبان بولن اُتے اوہناں دے چاہیوان اوہناں نوں تنقید دا نشانا بنا رہے نیں جدکہ ہن بالی ووڈ اداکار اعجاز خان نے وی سونو نگم نوں تنقید دا نشانا بنا دتا اے۔ بھارتی میڈیا دے مطابق بالی ووڈ اداکار اعجاز خان دا کہنا سی کہ اذان مسلماناں دی غنڈا گردی نہیں تے نہ ای کدی غنڈا گردی کیتی اے ۔
اعجاز خان دا کہنا سی کہ بھارت وچ اذان دی آواز اآﺅندی سی، آﺅندی اے تے انشا اللہ آﺅند ی رہوے گی۔ اداکار دا کہنا سی کہ سونو نگم میرا یار اے تے ساڈا آپسی وچ چنگا تعلق اے پر جو انسان اسلام خلاف گل کرے گا میں اوہدا کدی احترام نہیں کراں گا تے ایہو وجہ اے کہ سونو دا احترام میرے دل چوں ختم ہو گیا اے۔
