کراچی(پاکستان پوائنٹ نیوز17۔اپریل2017ء) نجی ٹی وی چینل اُتے اینکر پرسن دے روپ وچ ساہمنے آن والی اداکارا وینا ملک نے چاہیواناں نوں مایوس کر دتا۔ تفصیل دے مطابق وینا ملک نے اپنے پروگرام وچ اک مشہور اینکر پرسن دی نقل کرن دی کوشش کیتی پر کامیاب نہ ہو سکیاں پر نواں انداز ویکھ کے چاہیواناں ولوں اوہناں نوں ڈاڈھی تنقید دا نشانا بنایا جا رہیا اے۔
میڈیا رپورٹس دے مطابق کامیڈی توں ناں کمان والی ورسٹائل اداکارا وینا ملک نے اک نجی ٹی وی نوں جوائن کیتا اے پر اوہناں دے پہلے پروگرام مگروں ای لوک اوہناں دے رپورٹنگ سٹائل خلاف سوشل میڈیا اُتے تنقیدی تیر ورسا ن لگے نیں۔ کامیڈی شوز وچ اداکاراں، سیاستداناں تے ہور بندیاں دی نقل لاہن والی وینا ملک اپنے چاہیواناں نوں کوئی بہتا متاثر نہ کر سکیاں۔ اوہناں نے اپنے پروگرام دوران کوشش کیتی کہ اوہ اپنے نویں کیریئر وچ اک نویں انداز نال لوکاں نوں متاثر کر سن پر انج نہ ہو سکیا۔
