کراچی(پاکستان پوائنٹ نیوز07۔فروری2017ء) پاکستان کسٹمز نے فیڈرل بورڈ آف ریونیو نوں چائنا پاکستان اقتصادی راہداری منصوبے دے تحت بنن والے فروی زونز لئی ڈرائی پورٹس کسٹمز سٹیشن بنان دی تجویز دِتی اے۔ کسٹمز حکام دے مطابق سی پیک دے تحت ملک وچ کئی ڈیوٹی فری اکنامک زونز بنان دا منصوبا اے ، جہدے وچ پنجاب وچ 32، سندھ وچ 33، اسلام آباد وچ 3، بلوچستان وچ 7 تے کے پی کے وچ 17اکنامک زونز بنائے جان گے۔
یاد رہوے کہ حکومت سپیشل اکنامک زونز لئی پہلے ای قانون بنا چکی اے جدکہ پچھلے دِنا ای ایف بی آر نے چیف کلیکٹر نوں ہدایت کیتی اے کہ گوادر فری زونز لئی قانون بنایا جائے۔ کسٹمز حکام دا کہنا اے کہ قانون بنائے جان مگروں اگلے ڈرائی پورٹ دے قیام دے منصوبے وی ایہناں سپیشل اکنامک زونز وچ شامل کیتے جان۔