پشاور(پاکستان پوائنٹ نیوز07۔فروری2017ء) قانون نافذ کرن والے اداریاں نے خیبر ایجنسی توں عالمی دہشت گرد تنظیم داعش توں تعلق رکھن والے 4دہشت گرداں نوں گرفتار کر لیا اے۔ پولیٹیکل انتظامیا دے مطابق ایہناں دہشت گرداں نوں اوس ویلے گرفتار کیتا گیا جدوں ایہ افغان سرحد توں پاکستانی علاقے وچ وڑ رہے سن۔ حکام نے ہور دسیا کہ ایہناں چاراں دہشت گرداں نوں زخمی حالت وچ گرفتار کیتا گیا، جہدی وجہ افغان سکیورٹی فورسز نال ہون والی لڑائی دَسی گئی اے۔
پولیٹیکل انتظامیا دے مطابق چاراں ملزماں دا تعلق داعش توں اے۔یاد رہوے کہ خیبر ایجنسی افغان سرحد دے نیڑے موجود پاکستان دا اوہ قبائلی علاقہ اے جو فاق دے انتظام ہیٹھ اے۔ پاک افغان سرحد اُتے ایہناں قبائلی علاقیاں وچ فوج کئی وار آپریشنز کر چکی اے جہدے مگروں ایتھے سکیورٹی صورتحال بہتر کرن دا دعوا کیتا جا رہیا اے۔ ایس توں وکھ خیبر ایجنسی وچ پچھلے دو ورھیاں توں دو آپریشن’خیبر ون‘ تے ’خیبر ٹو‘ کیتے گئے جدکہ شمالی وزیرستان وچ جون 2014توں آپریشن ضرب عضب جاری اے۔
