ہارون آباد(پاکستان پوائنٹ نیوز06۔فروری2017ء) ہارون آباد وچ فائرنگ دا واقعہ پیش آیا اے، فائرنگ دے نتیجے وچ پیپلز پارٹی دے رہنما شوکت بسرا زخمی جد کہ اوہناں دا پی اے ہلاک ہو گیا اے۔نجی ٹی وی چینل دے مطابق ہارون آباد وچ دو فریقاں وچکار جھیڑا ہویا، جہدے نتیجے وچ فائرنگ شروع ہو گئی۔ فائرنگ دے نتیجے وچ پیپلز پارٹی دے رہنما شوکت بسرا زخمی ہو گئے جدکہ اوہناں دا پی اے امتیاز ہلاک ہو گیا۔
پیپلز پارٹی رہنما شوکت بسرا ساتھیاں سنے پولیس خلاف احتجاجی ریلی وچ رلت لئی جا رہے سن۔ تفصیل دے مطابق فائرنگ مسلم لیگ (ضیا) دے کارکناں ولوں کیتی گئی۔ پولیس دے مطابق شوکت بسرا ہارون آباد اندر ریلی وچ رلت لئی جا رہے سن کہ راہ وچ اوہناں دے سیاسی مخالفاں نال تلخی ہو گئی، تلخی ودھن مگوں مخالفاں دی فائرنگ نال شوکت بسرا تے اوہناں دا پی اے امتیاز ڈاڈھا زخمی ہو گیا۔
زخمیاں نوں فوری طور اُتے تحصیل ہیڈ کوارٹرز ہارون آباد پہنچایا گیا جتھے ڈاڈھے زخماں پاروں امتیاز ہلاک ہو گیا۔واقعے مگروں رینجرز تے پولیس نے علاقے نوں گھیرے وچ لے کے ملزماں دی تلاش شروع کر دِتی اے۔ پاکستان پیپلز پارٹی دے چیئرمین بلاول بھٹو زرداری نے اپنے پیغام وچ شوکت بسرا اُتے حملا تے اوہناں دے سیکرٹری دی شہادت نوں کُھلی دہشت گردی قرار دِتا اے۔ اوہناں دا کہنا سی کہ پنجاب وچ پیپلز پارٹی رہنماواں اُتے حملے (ن) لیگ تے ضیا دے حواری جان نہیں چھڈوا سکے، ایہناں حملیاں نال پیپلز پارٹی نوں ڈرایا نہیں جا سکدا۔
