لاہور(پاکستان پوائنٹ نیوز01۔فروری2017ء) ٹیلی نار کمپنی دے ورتیندڑاں لئی چنگی خبر ایہ اے کہ اوہناں نوں اُردو پوائنٹ تک رسائی حاصل کرن وچ پیش اوکڑاں ہن حل ہو گئیاں نیں، جہدے مگروں ورتیندڑ اپنے موبائل ڈیٹا نوں ورتدے ہوئے آسانی نال اُردو پوائنٹ تک رسائی حاصل کر سکن گے۔ ٹیلی نار پاکستان نے ورتیندڑاں نوں پیش اوکڑاں دا نوٹس لیندے ہوئے ایہ مسئلا ہُن حل کر دِتا اے۔
مسئلے دے حل مگروں ٹیلی نار پاکستان دے ورتیندڑ ہن اپنا موبائل ڈیٹا، یو ایس بی تے ونگل ڈیوائس ورتدے ہوئے پہلاں وانگ اُردو پوائنٹ تک تیز انٹرنیٹ راہیں پہنچ حاصل کر سکدے نیں۔ یاد رہوے کہ پچھلے کُجھ ہفتیاں توں ٹیلی نار پاکستان دے ورتیندڑاں نوں اپنے موبائل ڈیٹا، تھری جی تے فور جی توں اُردو پوانٹ تک پہنچ حاصل کرن وچ اوکڑاں دا ساہمنا سی تے ورتیندڑاں دی وڈی گنتی نے اُردو پوائنٹ تے ٹیلی نار نوں اپنیاں شکایتاں درج کروائیاں، جہدے اُتے ایکشن لیندے ہوئے ایس مسئلے نوں حل کر دِتا گیا اے۔
