اسلام آباد(پاکستان پوائنٹ نیوز20۔جنوری2017ء) سنکیانگ یغور آپ مختار علاقا چالو ورھے نویاں سڑکاں دی اُساری وچ ریکارڈ رقم خرچ کرے گا تاں جے ایہ شاہراہ ریشم اقتصادی بیلٹ نال پاکستان نوں ملان والے چین دے تجارتی گڑھ لئی بہتر سود مند ثابت ہوئے گا۔ چین دے مرکزی ٹیلی ویژن دی اطلاع دے مطابق علاقے دے اعلا اقتصادی منصوبا ساز اہلکار نے آکھیا کہ امید اے کہ بنیادی ڈھانچیاں لئی منصوبیاں نال مقامی بندیاں لئی روزگار لئی ہور موقعے پیدا ہون گے، مرکزی حکومت سنکیانگ نوں جہدیاں سرحداں پاکستان سنے ہور ملکاں نال ملدیاں نیں، اقتصادی بیلٹ لئی اہم تجارتی مرکز سمجھدی اے، اقتصادی بیلٹ جو 2013وچ چینی صدر شی چن پھنگ ولوں پیةس کیتے جان والے بیلٹ وروڈ منصوبے دا حصہ اے دا مقصد پرانے تجارتی راہ نوں بحال کرنا اے، اجے سنکیانگ تے چین دے دوجے حصیاں نوں مشرق نال جوڑن والی صرف اک سڑک اے، علاقے تے چین دے گوانڈھیاں نوں مغرب نال جوڑن والیاں موجود سڑکاں آن والے ویلے وچ تجارت دے تقاضیاں نوں پورا نہیں کر سکدیاں۔
سنکیانگ ترقیاتی و اصلاحات کمیشن دے ڈائریکٹر جانگ چن لن نے علاقائی دارالخلافہ وچ اک اُچیچے انٹرویو وچ آکھیا کہ ٹرانسپورٹیشن دی حمایت دے بغیر شاہراہ ریشم اقتصادی بیلٹ اُتے تجارتی گڑھ بننا ممکن نہیں اے۔ ایس لئی سنکیانگ نوں پیش اوکڑاں دا ساہمنا کرنا چاہیدا، سنکیانگ چین، قازقستان سرحد اُتے اک خشک گودی ہورگوس تے ارومچی نوں ملان والی تیز رفتار ریلوے لائن اُتے کھوج شروع کرن دا منصوبا وی رکھدا اے۔
ایس توں وکھ ارومچی دے بین الاقوامی ہوائی اڈے دی نوں توسیع دِتی جائے گی تاں جے ودھدی ہوئی ملکی و بین الاقوامی ٹریفک نال نبڑیا جا سکے، چالو ورھے ایہ شمالی مغربی علاقا نویاں سڑکاں اُتے 170بلین یو آن (24-8بلین امریکی ڈالر) دی سرمایا کاری کرے گا جو کہ 2016توں کیتے زیاد اے۔ اوہناں نے آکھیا کہ ایس علاقے وچ سڑکاں دی اُساری اُتے ایس توں پہلے اینی سرمایا کاری ویکھن وچ نہیں ائی اے، علاقا شہری ہواز بازی منصوبیاں وچ 4.8بلین تے ریلوے لائناں دی اُساری اُتے 9.1یوآن دی سرمایا کاری کرے گا، ایہ دوویں پچھلے ورھے توں 50فیصد ودھ نیں، چالو ورھے سڑکاں، ریلوے لائناں تے جوائی اڈیاں دی اُساری وچ سرمایا کاری 2011توں 2015تک ٹرانسپورٹیشن دے بنیادی ڈھانچے دی مجموعی فنڈنگ وچ سرفہرست ہووے گی۔
