اسلام آباد(پاکستان پوائنٹ نیوز19۔جنوری2017ء) سپریم کورٹ وچ پاناما لیکس بارے درخاستاں دی سنوائی دا سلسلا جاری اے۔ تفصیل دے مطابق سنوائی وچ وقفے دے دوران میڈیا نال گل بات کردے ہوئے مسلم لیگ (ن) دے رہنما دانیال عزیز دا کہنا سی کہ پاناما لیکس آن دے بعد عمران خان پہلے آکھدے سن کہ کمیشن بنایا جائے تے ہن اپنے مطالبے توں مُکر گئے نیں۔ اوہناں نے آکھیا کہ وزیر اعظم دا ناں پاناما پیپرز وچ نہیں، وزیر اعظم خلاف بغیر ثبوت مقدما درج کیتا گیا۔
دانیال عزیز دا کہنا سی کہ احتساب لئی کوئی اک پیمانا طے کرنا پئے گا۔ وزیر اعظم دے وکیل نے آکھیا کہ اسیں عدالت ساہمنے سِر جھکایا ہویا اے۔ عمران خان ٹرائل تے کمیشن دے کم وچ اوکڑاں پا رہے نیں۔ بی بی سی وچ لندن فلیٹس بارے رپورٹ چھپن دیاں تحقیقات بارے بی بی سی آپ تحقیقات کر رہیا اے۔ اوہناں نے آکھیا کہ عمران خان ہن صرف غلط بیانی دا کیس لڑ رہے نیں۔
بین الاقوامی اداریاں اگے ہتھ کھلارے جا رہے نیں۔ اوہناں دا کہنا سی کہ اداریاں اُتے اثر اندز ہون دی کوشش افسوسناک اے۔ اوہناں دا کہنا سی کہ جہدا جو وکیل اے اوہی اوہدا جواب دیوے گا۔ الیکشن کمیشن وچ پی ٹی آئی خلاف کرپشن دے چارجز نیں جدکہ نواز شریف سارے کیسز وچ عدالتاں ولوں بری ہوئے نیں۔ دانیال عزیز نے آکھیا کہ نواز شریف تیجی وار وزیر اعظم بنے نیں، لوکائی نوں وزیر اعظم نواز شریف اُتے پور ااعتماد اے۔
