اسلام آباد(پاکستان پوائنٹ نیوز16۔جنوری2017ء) سپریم کورٹ وچ پاناما لیکس بارے درخاستاں دی سنوائی جاری اے۔ تفصیل دے مطابق سپریم کورٹ وچ پاناما کیس اندر وزیر اعظم نواز شریف دے وکیل مخدوم علی خان دے دلائل جاری نیں۔ سپریم کورٹ وچ وزیر اعظم نواز شریف دی نااہلی لئی جماعت اسلامی ولوں درخاست دائر کیتی گئی۔ درخاست وچ موقف اختیار کیتا گیا اے کہ وزیر اعظم نواز شریف نے جانکے برطانیا وچ موجود اثاثے لُکائے تے ٹیکس چوری کیتی جہدے بعد اوہ آرٹیکل 62تے 63دے تحت صادق تے امین نہیں رہے۔
جماعت اسلامی نے وزیر اعظم نوں نااہل کرن دی استدعا کردے ہوئے آکھیا کہ عدالت کول نااہلی دا پورا اختیار اے۔ یاد رہوے کہ پاناما کیس بارے درخاستاں دی سنوائی دا سلسلا سپریم کورٹ وچ جاری اے۔ جماعت اسلامی ایس توں پہلے وزیر اعظم نوں سپریم کورٹ وچ سَدن دی استدعا وی کر چکی اے۔
